نصائح للمتزوجات 2
المتزوجات جبت ليكم لكمالة باش تعتانيو بالمنزل ديالكوم(شوية ديال التاويل)
..
.
.
.
.
.
ﻧﺪﻭﺯﻭ ﻟﺘﺎﻭﻳﻞ ﺩﻳﺎﻝ ﺍﻟﺪﺍﺭ :
ﻷﻧﻴﻘﺔ ﺩﻳﺎﻟﻨﺎ ﻓﺎﻗﺖ ﻭﺣﺘﻰ ﺑﻤﻮﻝ ﺍﻟﺪﺍﺭ ﻓﻄﺮﺍﺗﻮ
ﻭﺧﺮﺟﺎﺗﻮ ﻧﺎﺷﻂ ﻣﻊ ﺭﺍﺳﻮ ﻣﺰﻳﺎﻥ ﻣﻌﻨﺪﻱ ﻣﻴﺘﺴﺎﻟﻚ ﺩﺍﺑﺔ ﻳﺎﻻﻩ ﻟﺸﻐﺎﻻﺕ ﺩﻳﺎﻝ ﺍﻟﺪﺍﺭ ﺃﻭﻝ ﺣﺎﺟﺔ ﺗﺒﺪﺍﻱ ﺑﻴﻬﺎ ﻫﻲ ﺗﻨﻈﻴﻒ ﻭ ﺗﺮﺗﻴﺐ ﺩﻳﺎﻝ ﺍﻟﺪﺍﺭ ﺃﻭ ﻣﺎﺍﺍﺷﻲ
ﺍﻟﻜﻮﺯﻳﻨﺔ ﻫﻲ ﻟﻮﻟﺔ ﺣﻴﺖ ﺑﺰﺍﻑ ﻛﻴﺒﺪﺍﻭ ﺑﺎﻟﻜﻮﺯﻳﻨﺔ ﻛﻴﻜﻮﻟﻮﻟﻴﻚ ﻋﻠﻰ ﻭﺩ ﺍﻟﻐﺪﺍ ﺃﻻ ﻭﺩﻳﻚ ﺍﻟﺪﺍﺭ ﺗﺒﻘﻰ ﺣﺎﻟﺔ ﻳﺪﺧﻞ ﻋﻠﻴﻚ ﺷﻲ ﺿﻴﻒ ﻳﻠﻘﺎ ﺩﺍﺭﻙ ﺣﺎﻟﺘﻬﺎ؟ ﻻ ﺟﻤﻌﻲ ﺍﻟﺪﺍﺭ ﻫﻲ ﻟﻮﻟﺔ ﺭﺗﺒﻴﻬﺎ ﻛﻞ ﺣﺎﺟﺔ ﻓﺒﻼﺻﺘﻬﺎ ﻣﺴﺤﻲ ﺍﻟﻐﺒﺮﺓ ﻛﻞ ﻧﻬﺎﺭ ﺣﻴﺖ ﻋﻴﻴﻴﺐ ﻳﺠﻴﻮ ﻋﻨﺪﻙ ﺍﻟﻨﺎﺱ
ﻭﻳﻠﻘﺎﻭﻫﺎ ﺑﺤﺎﻝ ﻳﻼﻋﻤﺮﻙ ﻣﺪﺭﺗﻲ ﺷﻲ ﺣﺎﺟﺔ ﺍﻟﺪﺍﺭ ﺩﻳﻤﺎ ﺗﻜﻮﻥ ﻣﻌﻄﺮﺓ ﻭﻣﻬﻮﻳﺔ ﻭﺷﻤﻴﺸﻪ ﺩﺍﺧﻠﺔ ﻭﺍﻟﺤﻤﺍﻡ ﻫﺎﺩﺍ ﺃﻫﻢﺣﺎﺟﺔ ﻛﻴﺨﺼﻮ ﺍﻹﻋﺘﻨﺎﺀ ﺑﺰﺍﻑ ﺩﻳﺎﻝ ﺍﻟﻤﺮﺍﺕ ﻓﻨﻬﺎﺭ
ﺩﻳﺮﻱ ﻟﻔﻮﻃﺔ ﺩﻳﺎﻝ ﻟﻴﺪﻳﻦ ﺗﻜﻮﻥ ﻗريبة ﻟﻼﻓﺎﺑﻮ ﻭﻟﻜﻦ ﺩﻳﺎﻝ ﻟﻮﺟﻪ ﺣﻄﻴﻬﺎ ﻣﻦ ﺟﻴﻬﺎ ﻟﺨﺮﺓ ﺭﺍﻛﻢ ﻋﺎﺭﻓﻴﻦ ﺍﻟﺮﺟﺎﻝ ﻛﻴﻘﺪﻳﻮ ﺑﻠﻲ ﻛﺎﻥ ﻗﺪﺍﻣﻬﻮﻡ.
- ﻟﻔﻮﻃﺎﺕ ﻳﺘﺒﺪﻟﻮ ﻛﻞ 3 ﺃﻳﺎﻡ .
- ﺩﻳﺎﻝ ﺍﻟﺼﺎﺑﻮﻧﺔ ﺗﻐﺴﻞ ﻣﺰﻳﺎﻥ ﻣﻦ ﺍﻟﺼﺎﺑﻮﻥ ﻟﻲ ﻛﻴﺒﻘﺎ ﻻﺻﻖ ﻓﻴﻬﺎ ﻭﺩيما ﺗﻜﻮﻧﻲ ﺣﺎﻃﺔ ﻓﻴﻬﺎ ﺍﻟﻤﻌﻄﺮ .
ﻗﺒﻞ ﻣﻨﺪﺧﻠﻮ ﻟﻜﻮﺯﻳﻨﺔ ﻏﻨﻌﻄﻴﻜﻢ ﺣﺎﺟﺎﺕ ﻳﻤﻜﻦ ﻳﺒﺎﻧﻮ ﻋﺎﺩﻳﻴﻦ ﻭﻟﻜﻦ ﺣﻨﺎ ﻫﻨﺎ ﻏﻨﺪﻛﺮﻭ ﻛﻠﺸﻲ ﻟﻜﺒﻴﺮ ﻭﺻﻐﻴﺮ .
- ﺩﻳﻤﺎ ﻳﻜﻮﻧﻮ ﻋﻨﺪﻙ les caches ﻟﻄﺒﺎﻟﻲ , ﺗﻮﺏ ﻣﺎﺷﻲ ﻣﻴﻜﺔ ﻟﻤﻴﻜﺔ ﺣﺘﻰ ﺗﺒﻐﻲ ﺗﺤﻄﻲ ﺍﻟﻤﺎﻛﻠﺔ.
-ﺑﻴﺖ ﺍﻟﻨﻌﺎﺱ ﺍﻟﻔﺮﺍﺵ ﻳﺘﺒﺪﻝ ﻛﻞ ﺃﺳﺒﻮﻉ ﻣﻜﻴﻦ ﺭﺍﻩ ﻣﺰﺍﻝ ﻧﻘﻲ ﻭﻳﻜﻮﻥ ﺣﺘﻰ ﻫﻮ ﻣﻌﻄﺮ ﻭﻣﺸﻤﺶ ﻭﺩﻳﺮﻱ ﻟﺨﺰﺍﻣﺔ ﻓﺨﻨﻴﺸﺎﺕ ﺩﻳﺎﻝ ﺍﻟﺘﻮﺏ ﻭﺭﻳﻬﺎ ﺗﺤﺖ ﺍﻟﻨﺎﻣﻮﺳﻴﺔ ﻓﻠﻤﺠﻮﺭﺓﻭﺳﻂ ﻟﺒﻼﻛﺎﺭ ﻓﻴﻦ ﻣﺎﺑﺎﻥ ﻟﻴﻚ.
ﻛﻤﻠﻨﺎ ﺩﺍﺑﺔ؟ ﺇﻳﻮﺍ ﻳﺎﻟﻬﻮ ﻧﺪﺧﻠﻮ ﻟﻜﻮﺯﻳﻨﺔ
ﻧﺒﺪﺍﻭ ﺃﻭﻝ ﺣﺎﺟﺔ ﺑﻨﺼﻴﺐ , ﻧﺮﺩﻭﻩ ,ﻧﺠﻤﻌﻮ ﺍﻟﻤﺎﻋﻦ ﻭﻧﻐﺴﻠﻮﻫﻢ ﻭﻧﻘﻴﻮ ﻛﻠﺸﻲ ﻋﺎﺩ ﻧﺒﺪﺍﻭ ﻧﻮﺟﺪﻭ salads
ﺩﺍﺑﺔ ﻫﺎﻟﻜﻮﺯﻳﻨﺔ ﻧﻘﻴﺔ ﻭﻛﻠﺸﻲ ﻭﺍﺟﺪ , ﺗﺒﺎﺭﻛﺎﻟﻠﻪ ﻋﻠﻰ ﻻﻟﺔ ﺍﻟﺤﺎﺩﻛﺔ ﻭﻟﻜﻦ ﺭﺍﻩ ﻣﻜﻴﻨﺶ ﻏﻴﺮ ﻫﺎﺩﺷﻲ ﻛﺎﻳﻨﻴﻦ ﺣﺎﺟﺍﺕ ﺧﺮﻳﻦ ﺻﻐﺎﺭﻳﻦ ﻭﻟﻜﻦ ﺭﺍﻩ ﻫﻤﺎ ﺍﻟﺘﺎﻭﻳﻞ , ﺃﺟﻲ ﻧﻜﻮﻟﻬﻮﻡ ﻟﻴﻚ :
-ﺍﻟﺰﻳﺎﻑ ﺩﻳﺎﻝ ﺍﻟﻜﻮﺯﻳﻨﺔ : ﻳﺘﺼﺒﻨﻮ ﻛﻞ ﻧﻬﺎﺭﻣﻠﻲ ﺗﻜﻤﻠﻲ ﺷﻐﻠﻚ ﻓﻠﻌﺸﻴﺔ ﻏﻴﺮ ﺑﻴﻦ ﻳﺪﻳﻚ ﺩﻏﻴﺎ ﺩﻏﻴﺎ ﺑﺎﺵ ﺩﻳﻤﺎ ﻳﻜﻮﻧﻮ ﻧﻘﻴﻴﻦ ﻭﻣﻴﺘﺪﺑﻐﻮﺵ ﺩﻳﺮﻱ ﻭﺍﺣﺪ ﻟﻴﺪﻳﻚ ﻭﺍﺣﺪ ﻟﻜﻴﺴﺎﻥ ﺃﻭ ﻭﺍﺣﺪ ﻟﺒﺪﻳﻊ ﻋﺎﺩ ﻭﺍﺣﺪ ﻷﻟﻮﻧﻴﻮﻡ ﻣﺘﺒﻘﺎﻳﺶ ﺗﺨﻠﻄﻴﻬﻮﻡ ﺧﻠﻴﻬﺎ ﻋﻨﺪﻙ ﻋﺎﺩﺓ ﻭﻟﻔﻴﻬﺎ ﻭﻣﺘﺒﻘﺎﻳﺶ ﺗﺮﻣﻴﻬﻢ ﻓﻴﻦ ﻣﺠﺎﺏ ﺍﻟﻠﻪ ﺩﻳﺮﻱ ﻟﻴﻬﻢ ﺑﻼﺻﺘﻬﻮﻡ ﻭﻋﻠﻘﻴﻬﻢ .
- ﻣﻠﻲ ﺗﻜﻮﻧﻲ ﻛﺘﻨﻘﻲ ﺍﻟﺨﻀﺮﺓ ﻭﻻ ﻟﻲ ﻛﺎﻥ ﺩﻳﺮﻱ ﺑﻼﻃﻮ ﻓﻴﻦ ﺗﺠﻤﻌﻲ ﺍﻟﺰﺑﻞ ﻣﺎﺷﻲ ﻟﺒﻮﻃﺎﺟﻲ ﺯﻋﻤﺎ ﺭﺍﻛﻲ ﻏﺘﻜﻤﻠﻲ ﻭﺗﺠﻤﻌﻴﻪ ﻭﺗﻤﺴﺤﻲ ﺗﻤﺎ ﻻ ﻟﺒﻼﻃﻮ أحسن حل
ﻧﺪﻭﺯﻭ ﺩﺍﺑﺔ ﻟﺘﻼﺟﺔ :
ﺗﻜﻮﻥ ﺩﻳﻤﺎ ﻧﻘﻴﺔ ﻭﻣﻤﺴﻮﺣﺔ ﻭﺩﻳﺮﻱ ﺧﻨﻴﺸﺎﺕ ﺻﻐﺎﺭ ﺩﻳﺎﻝ ﺍﻟﺘﻮﺏ
ﺣﻄﻲ ﻓﻴﻬﻢ ﺍﻟﻔﺎﺧﺮ +ﺍﻟﻔﺎﻧﻲ+ ﺍﻟﺨﺰﺍﻣﺔ ﻋﻤﻤﻤﻤﻤﻤﺮ ﺍﻟﺮﻳﺤﺔ ﻣﺘﻜﻮﻥ ﻋﻨﺪﻙ ﻓﺎﻟﺘﻼﺟﺔ ﺑﺎﻟﻌﻜﺲ ﻏﻴﺮ ﻧﺘﻲ ﺗﺤﻠﻴﻬﺎ ﻭﺗﻌﻄﻴﻚ ﺭﻳﺤﺔ ﻏﺰاﻟﺔ ﻭﺍﻟﻔﺎﺧﺮ ﺃﺻﻼ ﻛﻴﻤﺺ ﺍﻟﺮﻭﺍﻳﺢ ﺍﻟﺨﻴﺒﻴﻦ ﺃﻱ ﺣﺎﺟﺔ ﺗﺒﻐﻲ ﺗﺤﻄﻴﻬﺎ ﻓﻴﻬﺎ ﺗﻜﻮﻥ ﻣﻐﻄﻴﺔ ﻭﻳﻜﻮﻥ ﺣﺴﻦ ﻛﻠﺸﻲ ﻳﺘﺪﺍﺭ ﻓﺴﻮﺑﻴﺮﺍﺕ ﻭﺑﻼﺵ ﻣﻦ ﺍﻟﻤﻴﻜﺎﺕ ﻭﺃﻱ ﺣﺎﺟﺔ ﺗﻐﺴﻞ ﻋﺎﺩ ﺗﺤﻂ ﺍﻟﺒﻴﺾ ﻟﻘﺮﺍﻋﻲ ﺩﻳﺎﻝ ﻟﻤﺎ ﻟﻤﻮﻧﺎﺩﺍ ......
0 commentaires:
Enregistrer un commentaire